§§ geoTextTitle §§

§§ geoLinkText §§

I. Kushtet e përgjithshme të biznesit

Data: 04.04.2018

1 Fusha e zbatimit

Kushtet e përgjithshme të biznesit dhe Kushtet e veçanta të transportit (KPB-KVT) vlejnë për përdorimin e portaleve në internet dhe për rezervimin e udhëtimeve me “FlixBus”.

2 Pala kontraktuese

Pala kontraktuese për rezervimin e udhëtimeve (Shitësi i biletave) dhe për përdorimin e portaleve në internet është shoqëria “FlixMobility GmbH”, Birketweg 33, 80639 München, më poshtë referuar si “FlixMobility”.

3  Përdorimi tregtar i portalit në internet

3.1 Faqet e krahasimit të çmimeve mund të finalizojnë një kontratë me shkrim me “FlixMobility”, ku “FlixMobility” autorizon marrjen, përpunimin dhe publikimin e çmimeve si dhe oraret e “FlixMobility”.

3.2 Ndalohet përdorimi i portaleve në internet të “FlixMobility” për qëllime jo personale ose tregtare. Përdorimi i sistemeve të automatizuara në mënyrë që të nxirren të dhëna nga kjo faqe interneti për përdorim tregtar (“kopjim i të dhënave”) është i ndaluar. “FlixMobility” rezervon të drejtën për të vepruar kundër çdo shkeljeje.

4 Pagesa dhe kuponët

4.1 Metoda të ndryshme të pagesës mund të përdoren për të paguar për biletat, në varësi të formës së rezervimit:

  • Online: PayPal, debitim direkt, kartë krediti (Mastercard/Visa/Amex), SofortÜberweisung (transfertë e menjëhershme), iDeal, Postfinance, Carte Bleue, Dotpay. Në të gjitha rezervimet, ne ruajmë të drejtën për të përjashtuar lloje të caktuara pagesash dhe për t’u rekomanduar klientëve lloje të tjera pagesash.
  • Në bordin e automjeteve: Para në dorë.
  • Në pikat e shitjes së biletave / agjencitë e udhëtimit: Të gjitha mënyrat e pagesës të ofruara nga agjencia, sidoqoftë mund të paguani gjithmonë me para në dorë.
  • Me telefon: Kartë krediti (Mastercard/Visa/Amex), si dhe debitim direkt për klientët me vendbanim në Gjermani.
4.2 Kushtet e veçanta për pagesën me kartë krediti:

4.2.2.1 Blerjet me kartë krediti

4.2.2.2 Në rastin e pagesës me kartë krediti, llogaria e klientit debitohen kur përfundon rezervimi. Duke kryer një pagesë me kartë krediti, klienti udhëzon institucionin e tij kreditues në kohën e rezervimit, për të njoftuar “FlixMobility” ose njërën prej palëve të treta të autorizuara prej tij, pas një kërkese, për emrin dhe adresën e plota të klientit në rast të kthimit të fondeve, në mënyrë që t’i lejojnë “FlixMobility” të ngrejë pretendimet e tij kundër këtij klienti.

4.2.2.3 Pasagjerët detyrohen të paguajnë tarifat bankare që rrjedhin në rast të kthimit të fondeve, për sa i përket pagesës me kartë krediti. Përveç kësaj, mund të lindin edhe detyrime për tarifat e anulimit ose ndryshimit të mundshëm të rezervimit. Pasagjerëve do t’u jepet mundësia për të vërtetuar që kthimi i detyrimit ka ndodhur me më pak kosto ose pa asnjë kosto. Në rast të kthimit të fondeve, klientët mund të përjashtohen nga kryerja e pagesave me kartë krediti në mënyrë të përkohshme ose të përhershme.

4.2.3 Nëse kërkesa e “FlixMobility” për pagesën rezulton pa sukses, pretendimet e tij do t’i kalojnë një ofruesi të jashtëm shërbimesh për trajtim të mëtejshëm. “FlixMobility” mund të kalojë të gjitha të dhënat personale të nevojshme të debitorëve te ky ofrues i jashtëm shërbimesh, për këtë qëllim.

4.2.4 Kompensimi; e drejta e mbajtjes

4.2.4.1 Klientët do të kenë të drejtën e kompensimit vetëm në rast kur kundër-pretendimet e tyre janë zgjidhur ligjërisht ose nuk janë kontestuar apo janë pranuar nga ne. Përveç kësaj, ata do të kenë të drejtën e mbajtjes vetëm nëse dhe atëherë kur kundër-pretendimi i tyre bazohet në të njëjtën marrëdhënie kontraktuale.

4.2.4.2 Në rast se klientët nuk kanë paguar ndonjë detyrim, të gjitha detyrimet ekzistuese nga e njëjta marrëdhënie kontraktuale klasifikohen të prapambetura me efekt të menjëhershëm.

4.2.5 Tarifat e pagesës

4.2.5.1 Çmimi total i biletës i specifikuar në dyqanin online përfshin çdo tarifë pagese që ngarkohet nga ofruesit palë e tretë për mënyrën e zgjedhur të pagesës dhe që duhet paguar nga ju, si dhe tatimin mbi vlerën e shtuar, të parashikuar nga ligji.

4.2.5.2 Për klientë që zgjedhin një metodë pagese që i nënshtrohet tarifave, aplikohet një tarifë prej 2.1% (plus TVSH) e vlerës totale të karrocës së blerjes. Në çdo shtet disponohet të paktën një mënyrë pagese falas dhe e zakonshme.

4.3 Përfitimi i kuponëve:

4.3.1 Për çdo rezervim mund të përfitohet maksimumi një kupon. Kuponët mund të përfitohen vetëm online ose përmes agjencive tona partnere.

Kuponët me vlerë monetare, të ashtuquajturit kuponë me vlerë, mund të llogariten për të gjithë karrocën e blerjes.

Kuponët me zbritje me një vlerë në përqindje ose kuponët për udhëtim falas mund të llogariten vetëm për çmimin e biletës. Shërbimet ndihmëse (p.sh. tarifat e shërbimeve, tarifat shtesë për biçikletat ose bagazhet) nuk mund të përfitohen me llojet e kuponëve të renditur më sipër.

4.3.2 Në fushatat promocionale për kuponë të ndërmarra nga “FlixMobility” në kuadër të aktiviteteve të marketingut, ofrimi dhe përdorimi i kuponëve kufizohen në tre kuponë për person. Nëse një person përfiton më shumë se tre kuponë nga e njëjta fushatë kuponësh, “FlixMobility” mund të anulojë të gjitha rezervimet që kalojnë tre biletat e para. Ky rregull mund të mos zbatohet në kuadër të promocioneve të veçanta.

4.3.3 Kuponët e lëshuar falas në kuadër të aktiviteteve të marketingut ose si një gjest i vullnetit të mirë skadojnë pas përfundimit të procesit të rezervimit të parë.

4.3.4 Përdorimi tregtar dhe, në veçanti, rishitja e kuponëve, është e ndaluar dhe do të sanksionohet nga “FlixMobility” me anë të bllokimit të biletave dhe/ose kërkesave për dëmshpërblimin e dëmeve.

4.3.5 Rimbursimi në para i nje kuponi nuk është i mundur.

4.3.6 Në rast mashtrimi, tentative mashtrimi ose dyshimi për aktivitete të tjera të paligjshme në lidhje me blerjen, përfitimin ose transferimin e një kuponi dhuratë, “FlixMobility” gëzon të drejtën për të mbyllur llogarinë përkatëse të klientit dhe/ose për të kërkuar një mënyrë tjetër pagese dhe/ose për të pezulluar kuponin. Nuk ekziston asnjë e drejtë për të kërkuar aktivizimin ose pagesën e kuponit në fjalë.

4.3.7 Në rast mashtrimi, tentative mashtrimi ose dyshimi për aktivitete të tjera të paligjshme në lidhje me blerjen, përfitimin ose transferimin e një kuponi dhuratë, “FlixMobility” gëzon të drejtën për të anuluar çdo biletë që është paguar plotësisht ose pjesërisht përmes përfitimit të një kuponi të tillë.

4.4 Përftimi i kodeve të kuponëve “Interflix”

4.4.1 Për çdo rezervim mund të përfitohet maksimumi një kod kuponi. Kodet e kuponëve aktivizohen automatikisht brenda 48 orëve dhe mund të përfitohen vetëm online ose nëpërmjet agjencive tona partnere.

4.4.2 Kodet e kuponit janë të vlefshme për tre muaj.

4.4.3 Me të mund të rezervohet vetëm një linjë direkte, përveç udhëtimeve vajtje-ardhje. Vendi i nisjes nuk ka pse të jetë vendi i destinacionit.

4.4.4 Kuponët janë të lidhur me personin në fjalë dhe nuk janë të transferueshëm.

4.4.5 Rezervimet mund të ndryshohen vetëm përmes shërbimit ndaj klientit. Përjashtohet anulimi.

4.4.6 Përdorimi tregtar dhe, në veçanti, rishitja e kodit të kuponëve, është e ndaluar dhe do të sanksionohet nga kompania “FlixMobility” me anë të bllokimit të biletave dhe/ose kërkesave për dëmshpërblimin e dëmeve.

4.4.7 Rimbursimi në para i nje kuponi nuk është i mundur.

4.4.8 Çdo udhëtim që rezervohet nëpërmjet një kuponi kryhet i ndarë e i veçuar nga udhëtimet e tjera.

4.4.9 Pasagjeri ka të drejtë të tërhiqet nga kontrata e shitblerjes brenda 14 ditëve. Njoftimi për tërheqje duhet të jepet me shkrim.

4.5 Fushatat promocionale të çmimeve

4.5.1 Fushatat promocionale të çmimeve të ndërmarra nga “FlixMobility GmbH” në kuadër të aktiviteteve të marketingut dhe blerja e biletave me çmim të reduktuar janë të përkufizuara deri në 3 bileta për person. Nëse një person blen më shumë se 3 bileta përmes së njëjtës fushatë promocionale të çmimeve, “FlixMobility GmbH” mund të anulojë të gjitha rezervimet që kalojnë 3 biletat e para. Ky rregull mund të mos zbatohet në rastin e ofertave të veçanta.

4.5.2 Përdorimi për arsye tregtare dhe, në veçanti, rishitja e biletave, janë të ndaluara dhe do të sanksionohen nga “FlixMobility GmbH” nëpërmjet bllokimit të biletave dhe/ose ngritjes së pretendimeve për dëmin e shkaktuar.

4.5.3 Në rast mashtrimi, tentative mashtrimi ose dyshimi për aktivitete të tjera të paligjshme në lidhje me blerjen, kthimin ose transferimin e biletave, “FlixMobility GmbH” gëzon të drejtën për të mbyllur llogarinë përkatëse të klientit dhe/ose për të kërkuar një mënyrë tjetër pagese dhe/ose për të bërë biletat të pavlefshme. “FlixMobility GmbH” nuk do të shqyrtojë asnjë ankesë lidhur me miratimin ose kthimin e biletës në fjalë.

4.5.4 Në rast mashtrimi, tentative mashtrimi ose dyshimi për aktivitete të tjera të paligjshme në lidhje me blerjen, kthimin ose transferimin e biletave, “FlixMobility GmbH” gëzon të drejtën që të anulojë çdo biletë të blerë, plotësisht ose pjesërisht, nëpërmjet kthimit të biletës.

4.5.5 Biletat e blera me ofertë, për të cilat vlejnë kushte të tjera pas mbarimit të periudhës së ofertës, duhet të blihen me çmimin e plotë që aplikohet në ditën e udhëtimit/vlefshmërisë së biletës.

5 Anulimi

5.1 Anulimi mund të bëhet ose me rezervimin e ri të një bilete tjetër (anulimi dhe rezervim i ri), ose duke mos përdorur biletën dhe duke marrë një rimbursim pasues për të në përputhje me pikën 5.6. Drejtuesit nuk mund të ndryshojnë ose anulojnë rezervimin tuaj.

5.2 Anulimi me një rezervim të ri (p.sh. itinerari, orari i nisjes, data e udhëtimit) mund të kryhet vetëm në faqet e internetit të “FlixBus” ose nga agjencitë partnere dhe pikat e shitjes së biletave të kompanitë “Flix” deri në 15 minuta para orarit të planifikuar të nisjes. Udhëtimi vajtje-ardhje konsiderohet një rezervim.

5.3 Në rastin e anulimit me një rezervim të ri, do të lëshohet një kupon anulimi specifik. Ky kupon anulimi është i vlefshëm për 12 muaj dhe i jep të drejtën pasagjerit të kryejë një rezervim të ri brenda kësaj periudhe në vlerën e kuponit. Nëse çmimi i rezervimit të ri ka një vlerë më të lartë sesa vlera e kuponit, atëherë duhet të paguhet diferenca e çmimit. Nëse çmimi i rezervimit të ri është më i ulët, diferenca do të mbetet në kuponin e anulimit dhe mund të përdoret për një rezervim tjetër. Në rastet e ofertave promocionale që janë të vlefshme vetëm për një periudhë të kufizuar kohore mund të ketë shmangie nga këto dispozita. Rregullimi më i deajuar i këtyre rasteve parashikohet në kushtet e veçanta për promocionet që gjenden në portalet në internet.

5.4 Për çdo proces anulimi me rezervim të ri aplikohet një tarifë anulimi për çdo udhëtim të anuluar dhe për çdo pasagjer. Kuponi i anulimit do të lëshohet në vlerën e çmimit të biletës, minus koston për procesin e anulimit. Në rast se ndryshon emri i pasagjerit, do të duhet që të paguhet diferenca nëse çmimi i udhëtimi është shtrenjtuar gjatë kësaj kohe. Ndërrimi i numrit të telefonit është falas.

5.5 Nëse në një rezervim të ri përdoret një kupon anulimi, atëherë edhe për udhëtimin e ri vlejnë të njëjtat kushte anulimi.

5.6 Nëse një biletë për një udhëtim nuk përdoret dhe në rast se transportues janë kompanitë “Flix”, atëherë çmimi rimbursohet sipas kërkesës kundrejt paraqitjes së biletës duke zbritur tarifën e përpunimit në vlerën 15 € për çdo udhëtim dhe pasagjer, për sa kohë që pasagjeri nuk mund të vërtetojë se nuk janë shkaktuar dëme ose janë shkaktuar dëme për një shumë më të vogël. Barra e provës për mospërdorimin e biletës i takon pasagjerit. Bileta gjenerohet për çdo pasagjer dhe udhëtim. Linjat me transite (ndërlidhjet) konsiderohen si një udhëtim. Kërkesa mund të bëhet në çdo formë. Ajo duhet t’i dërgohet FlixMobility ose FlixBus DACH, për shembull me postë në adresën FlixMobility GmbH, Birketweg 33, 80635 München ose drejtuar FlixBus DACH GmbH, Karl-Liebknecht-Straße 33, 10178 Berlin. Tarifa e përpunimit do të reduktohet në shumën prej 2 € për pasagjer dhe udhëtim, duke shtuar çdo tarifë të mundshme transferte bankare, për sa kohë që transportues është FlixMobility GmbH ose FlixBus DACH GmbH dhe nëse kërkesa bëhet menjëherë, maksimumi brenda një jave pas skadimit të vlefshmërisë së biletës.

5.7 Asnjëra nga kostot e lartpërmendura të përpunimit, tarifat e anulimit dhe tarifa e mundshme e transfertave nuk do të zbatohen, nëse rimbursimi kërkohet për arsye brenda përgjegjësisë së “FlixMobility GmbH” ose kompanitë “Flix”. Kreditimi i çmimit të biletës, minus ndonjë tarifë përpunimi ose çdo tarifë të mundshme transferte bëhet vetëm në llogarinë e specifikuar nga klienti kur ka bërë porosinë, ose në llogarinë e tij të kartës së kreditit nëse ka paguar me kartë krediti.

6 Vendi i juridiksionit

Juridiksioni për shitësit e përgjithshëm, personat juridikë dhe fizikë, të cilët nuk kanë juridiksion të përgjithshëm në Gjermani, si dhe për personat fizikë që kanë transferuar jashtë shtetit vendin e tyre të vendbanimit ose banesën e përhershme pas përfundimit të një kontrate transporti, dhe vendbanimi apo banesa e përhershme e të cilëve nuk dihet në momentin e depozitimit të një padie, është Mynihu.

7 Pavlefshmëria e pjesshme e dispozitave të veçanta

Në rast se dispozita të veçanta në këto Kushte të përgjithshme të biznesit dhe Kushte të veçanta të transportit (KPB-KVT) janë ose bëhen plotësisht ose pjesërisht të paefektshme ose të pavlefshme, kjo nuk cenon në thelb vlefshmërinë e kontratës së transportit në tërësinë e saj.

 

II Dispozitat sipas shteteve që parashikojnë shmangie nga këto rregulla

1.  Suedia
  • lidhur me 4.1: Në Suedi, në bordin e mjetit pranohen pagesat vetëm me kartë krediti (MasterCard, Visa, American Express, Maestro, Visa Electron, V Pay, JCB, Diners Club, China Union Pay). Përveç kësaj, në Suedi bileta mund të blihet te shoferi i autobusit me sistemet e pagesave me celular, të cilat bazohen te NFC. (p.sh. Swish, Mobile Pay, Apple Pay, Android Pay).
2.  Poloni
  • në pikën 4.2.4.1 dhe 4.2.4.2: Këto dispozita nuk zbatohen për linjat e udhëtimeve që realizohen nga “FlixBus Polska sp. z.o.o.”
  • lidhur me 5.4: Për linjat e udhëtimeve që realizohen nga “FlixBus Polska sp. z.o.o” nuk aplikohet tarifë anulimi.
  • lidhur me 5.6: Tarifa e procesit të përpunimit nuk aplikohet për linjat e udhëtimeve që realizohen “FlixBus Polska sp. z.o.o”.
3. Republika e Çekisë
  • Lidhur me pikën 5.4: Tarifa e anullimit nuk aplikohet për tarifat e paguara në krona çeke.
  • Lidhur me pikën 6: Ndërgjyqësitë e mundshme midis FlixBus CZ s.r.o dhe një pasagjeri do të zgjidhen me gjyq në Republikën e Çekisë.