A dëshiron komoditet maksimal gjatë udhëtimit? Atëherë rezervoje tani gjatë prenotimit vendin tënd të preferuar. Në pothuajse gjithë linjat lidhëse të itinerareve tona, ke tani mundësinë të kërkosh dhe të rezervosh përpara udhëtimit, ndenjësen tënde të preferuar.
Do të udhëtosh me një mik ose një mikeshë, apo me familjen tënde? Atëherë sigurohu tani, që të uleni pranë njëri-tjetrit.
Mbështetu dhe shijo peizazhin gjatë udhëtimit nga ndenjëset panoramike me hapësirë të bollshme për këmbët. Edhe në ndenjëset tona me tavolinë mund të udhëtosh me rehati maksimale dhe hapësirë të bollshme për këmbët.
Në vendin tënd të preferuar që ke rezervuar, mund ta nisësh udhëtmin tënd i qetë dhe pa stres!
Për udhëtimin tënd me FlixBus mund të zgjedhësh nga tre kategori:
Kur ne ofrojmë mundësinë e rezervimit të vendit për linjën tuaj, kjo do të shfaqet gjatë procesit të prenotimit në faqen e internetit ose në aplikacion pas futjes së të dhënave të pasagjerit. Rezervimi i ndenjëses është i mundur edhe në agjencitë dhe dyqanet tona.
Tarifa për rezervimin e vendit të uljes varet nga lloji i vendit të zgjedhur dhe nga distanca. Të gjitha çmimet për rezervimet e ndenjëses i gjeni këtu.
Numrin e vendit të uljes e keni të shënuar në biletën tuaj. Në autobusët tanë me rezervim vendesh, numrat e vendeve të uljes i gjeni në ndarjet e bagazheve të dorës me ngjyrë gri të errët, në lartësinë e shikimit.
Rezervimi është i mundur gjatë procesit të prenotimit. Aktualisht nuk është e mundur që rezervimi i vendit të uljes të bëhet pas këtij procesi. Nëse dëshiron të anulosh apo të ndryshosh ndenjësen, kliko këtu.
Vendet e rezervuara të uljes nuk u caktohen personave të caktuar në prenotimin tuaj. Çdo anëtar i grupit mund të zgjedhë lirisht një vend të rezervuar uljeje.
Sipas udhëtimit, mund të rezervohet ose i gjithë autobusi, ose vetëm disa rreshta. Në një numër të vogël autobusësh nuk ofrojmë rezervim të ndenjëseve.
Nëse keni rezervuar një vend të caktuar uljeje, numrin e vendit të uljes e keni të shënuar në biletën tuaj.
Në autobusët me rezervim vendesh, numrat e ndenjëseve i gjen në ndarjet e bagazheve të dorës, në lartësinë e shikimit.
Nëse nuk ke rezervuar një vend, por të është caktuar një vend në biletë, ulu në vendin e caktuar.
Nëse nuk ke rezervuar një vend si dhe nuk të është caktuar një vend në biletë, atëherë ke lirinë të zgjedhësh një nga vendet e lira të parezervueshme me etiketë jeshile. Për t'u ulur në një vend të caktuar, në këtë rast, të këshillojmë të vish sa më herët në autobus. Sigurisht që pasagjerët me aftësi të kufizuar në lëvizje kanë përparësi në zgjedhjen e vendit të uljes.