Rreth FlixBus

Rreth FlixBus

Transport ekologjik dhe inteligjent për të përjetuar botën

FlixBus është një ofrues i ri në transport, i cili ka ndryshuar mënyrën e udhëtimit për miliona njerëz në Evropë gjatë 3 viteve të fundit. FlixBus ka arritur të krijoje rrjetin më të madh të autobusëve ndërqytetas në Evropë brenda një harkut të shkurtër kohor, duke qenë një kombinim i start-up, platformës së blerjeve në internet dhe kompanisë së transportit.

Falë një sistemi rezervimi të lehtë në përdorim dhe një rrjeti të gjerë itineraresh, ne mund t’iu ofrojmë udhëtarëve mundësinë për të përjetuar botën pavarësisht buxhetit të tyre. Autobusët tanë ekologjikë përmbushin standardet më të larta të sigurisë dhe ato mjedisore, që ne të mund të ofrojmë një alternativë të qëndrueshme e të përshtatshme të transportit privat. Ne ofrojmë nivelin më të lartë të rehatisë.

Përvoja FlixBus – koncepti ynë për sukses

Suksesi ynë mund t’i atribuohet digjitalizimit të udhëtimit tradicional me autobus. Me risitë teknologjike, si sistemi ynë i biletave elektronike, Aplikacioni FlixBus, Wi-Fi falas në bord dhe Gjurmimi i Drejtpërdrejtë(GPS), ne kemi revolucionarizuar industrinë e udhëtimit me autobus. Përmes planifikimit inteligjent të rrjetit dhe menaxhimit dinamik të çmimeve, ne iu ofrojmë klientëve tanë oferta të mrekullueshme. Ne mbështetemi gjithashtu në partneritetin tonë me ndërmarrjet e vogla e të mesme: partnerët tanë rajonalë të autobusëve – shpesh biznese familjare me dekada përvojë, janë të rëndësishëm për flotën tonë ekologjike FlixBus. Këtu takohet shpirti novator dhe rishtar i FlixBus me përvojën dhe ekspertizën e bizneseve tradicionale të vogla e të mesme.

Nga një shoqëri e re gjermane në Nr. 1 të Evropës

FlixBus u themelua nga tre sipërmarrës të rinj në Mynih me qëllimin për ta bërë udhëtimin e qëndrueshëm me autobus si të rehatshëm ashtu edhe të përballueshëm. Njëkohësisht, "MeinFernbus" nisi operimin e itinerareve të autobusëve nga Berlini në të gjithë Gjermaninë.

Pas përfundimit të monopolit hekurudhor në 2013, këto dy kompani të reja u kthyen në liderë në tregun e autobusëve për udhëtime të gjata dhe fituan një pozitë të fortë përkundrejt konkurrentëve ndërkombëtarë. Që nga bashkimi i ekipeve tona në Munih dhe Berlin, ne jemi liderët e sigurt të tregut në Gjermani.

Që prej vitit 2015, FlixBus është zgjeruar edhe në rang ndërkombëtar: ne kemi ngritur rrjete autobusësh për udhëtime të gjata në Francë, Itali, Austri dhe Holandë, si dhe shërbime të rregullta ndërkufitare në Skandinavi, Spanjë, Angli dhe në rajonin e Evropës Qendrore e Lindore. Sot, pasagjerët mund të përfitojë nga rrjeti më i madh në Evropë i autobusëve për udhëtime të gjata.

Aktualisht, një ekip ndërkombëtar prej 1000 punonjësish në Munih, Berlin, Paris, Milano dhe Zagreb si dhe mijëra drejtues autobusësh të partnerëve tanë nga e gjithë Evropa, qëndrojnë mbrapa ofruesit ekologjik të lëvizshmërisë. Çdo individ kontribuon për ta përmirësuar FlixBus çdo ditë. A ke ti personalitetin dhe shpirtin e skuadrës për të na ndihmuar të pushtojmë tregun evropian të autobusëve ndërqytetas? Atëherë apliko këtu, sepse mund të kemi punën e duhur për ty.

FlixFacts

100 milionë klientë që prej hapjes

Rreth 100 milionë pasagjerë kanë udhëtuar me ne, 40 milionë vetëm në 2017.

3000+ destinacione, 40+ shtete

Ne lidhim 3000+ destinacione në 40+ shtete, një numër i cili sa vjen e rritet thuajse çdo ditë.

400 000+ linja në ditë

Ne lidhim qytete me 400 000+ udhëtime – shpesh me nisje çdo 30 minuta.

Themeluesit

André Schwämmlein

André Schwämmlein

André është përgjegjës për operacionet dhe shtrirjen ndërkombëtare. Në vitin 2009, së bashku me Jochen, ai diskutoi dhe trajtoi mundësitë që mund të sillte një treg i parregulluar. Si një përkrahës i koncepteve alternative të lëvizshmërisë, ai nuk ka një makinë të tijën dhe shkon me biçikletë në zyrë.

Jochen Engert

Jochen Engert

Jochen është përgjegjës për marketingun, shitjet dhe financën. Para se të themelonin FlixBus, ai dhe André shëtisnin botën si konsulentë strategjikë. Gjatë studimeve të tij ai organizonte udhëtime me autobus për ski në Alpe, që ishte edhe përvoja e tij e parë në këtë industri.

Daniel Krauss

Daniel Krauss

Daniel, Themelues/Administrator në FlixBus Daniel është përgjegjës për teknologjinë e informacionit, programimin mobil dhe softuerik. Gjatë studimeve të tij ai themeloi një shoqëri të re të suksesshme në teknologjinë e informacionit bashkë me shokun e tij të shkollës André. Më në fund ai sakrifikoi punën e tij prej kohësh te Microsoft – dhe makinën e tij – për të krijuar ofruesin më të madh evropian të autobusëve për udhëtime të gjata.